Kun.: Brongė bruolē i sēserės, miniedami kūdikēlė Jiezaus gimėma, džiūgaukem i diekuokem už Dieva mums suteikta maluonė būti dieviškun paslapčiun dalininkās i  liudītuojēs čė, žemie. Lai dovanā gauts Išganėms teik Viltī i neš ramībė.

Visi atsakīkem: Laimink mumis, kūdikieli Jiezau!

Vad.: Lai švėntuoji Bažnīčė kāp Kaliedu žvaigždie vėsus palīd pas Dieva sūnu.

Visi: Laimink mumis, kūdikieli Jiezau!

Vad.: Tegol švėntasis Tievs i visi ganītuojē, kontemplioudami Jiezaus trapoma, atrond sau atgaiva, pagouda i tesugrīžt pri pirmuosės meilės Tau, Dievė.

Visi: Laimink mumis, kūdikieli Jiezau!

Vad.: Lai pasaulė valduntieji  visuomet atmėn, ka kikvėins žmuogos ī šindėin gėmusė Jiezaus atvaizds. Tudie tebrungėn kikvėina pilietė gīvībė, sveikāta, laisvė i oroma.

Visi: Laimink mumis, kūdikieli Jiezau!

Vad.: Lai šeimas, išgīvenontės sunkumus, paskėr Tau, Dievė, svarbiausė vėita sāva numūsė, nes Tu esi Emanuelis – Dievs su mumis.

Visi: Laimink mumis, kūdikieli Jiezau!

Vad.: Tegol nelaukti a pamesti kūdikē rond mīlinčius globiejus, kartėj padietu anims saugē žengti pirmūsius gīvēnėma keliuonės žingsnius.

Visi: Laimink mumis, kūdikieli Jiezau! 

Vad.: Lai visi pandemijės nuvargintieji i šimēta natekėn sāva artimūju, atrond žmoniun i Dieva meilė i palaikīma.

Visi: Laimink mumis, kūdikieli Jiezau!

Vad.: Meldam, ka ī altuoriaus garbė būtom iškelts mūsa vīskups Vincents Borisevičius i kiti tuo verti mūsa tautietē.

Visi: Laimink mumis, kūdikieli Jiezau!

Kun.: Viešpatie Jiezau Kristau, panoriejės būti vėinu iš mūsa, leisk atpažinti Tavė kikvėinamė iš žmoniun, vuo Tāva valė – kikvėinamė īvīkie, ka kasdėina vis labiau patėrtumiem Dieva vakun laimė i dieviškuosės īsūnīstės džiaugsma. Prašuom Tavė, katras gīveni i viešpatauji par omžius.

Visi: Amėn.